Fargar på veg!
Noko av det kjekkaste ved å drive butikk, er å pakke opp nye varer.
Opne øskjer og løfte ut herlege former og fargar du har venta på,
og enkelte rare saker du hadde gløymt at du hadde bestilt.
La sakene flytte inn i hyller og skap, og gjerne bestemme
seg for å ommøblere halve sjappa når ein først er igang.
No ventar eg på masse nytt frå Rice, ein herleg fargeeksplosjon. På bileta her
ser de litt av det som hendene mine snart skal plukke opp av store øskjer.
Som regel er iveren så stor medan det står på, at eg ikkje merkar dei såre
fingrane og den stive ryggen før etterpå. Nett slik det skal vere!
Først vil eg jo eigentleg ta med ein av kvar ting heim til huset vårt,
men både mannen og plassen står i vegen for det. Heldigvis, får eg vel seie.
Likevel ber sjølvsagt heimen preg av fargegalskapen som rår på Pur Glede.
Uansett ser eg at det er ein ting eller to eller tre frå den nye
Ricekolleksjonen som skal få flytte inn saman med oss.
Ser du noko du har lyst på? Det er ikkje absolutt alt på
bileta som kjem i denne sendinga, men det aller meste.
Hurra for Rice som gir oss slike fargar!
Åh! Blir glad av og komme hit inn og se de fantastiske fargene!! Håper økonomien min kan tillate litt Rice om ikke så lenge da ;) Også får jeg gjømme det godt inne i kleskapet, til huset er større!
SvarSlettååå!! Jeg er forelsket i fargene! <3
SvarSlett