søndag 7. april 2013

Kvit lukke på ein sundag


Eg er meir enn middels oppteken av fargar, men av og til er kvitt det aller vakraste. Som når dei 
ellers ulydige borna mine tek hunden med på luftetur hagen på eige initiativ og kjem entusiastiske 
innatt med ein neve snøklokker. Sju små, kvite blomar. Som minner meg om sju gleder:

- At eg har noko å elske
- At nokon også elskar meg
- At dagen i dag er ein solskinssundag
- At små menneske framleis ser gleda i å glede
- At eg har ein hage der tusen snøklokker veks
- At eg skal besøke bestevenninna mi snart
- At våren alltid kjem

Eg kunne funne på 7x7 gleder til, det er eg sikker på. Men eg treng ikkje skrive ned alle. 
Det viktigaste er å sjå dei og vite at dei fins. Og nyte dei.

God sundag til alle :)