mandag 28. oktober 2013

Rosa regnversdag!

Rosa kan gjere det meste gladare og gøyare, men enkelte dagar tykkjer eg at den fargen har 
særleg god effekt. Som i dag, på ein typisk regnvêrsmåndag på tampen av oktober. 
Sjølv om eg eigentleg ikkje er særleg vêrsjuk av meg, så kjende eg at denne 
dagen trengte litt ekstra krutt for å få fram potensialet sitt.


Og sidan ROSA er ein av mine absolutte yndlingsfargar, pluss at eg er skikkeleg kjolejente og 
diggar prikkar, tenkte eg at det var ein bra stad å byrje; med ein knallrosa prikkekjole. 
Eg merka effekten umiddelbart!


Den grøne ugleveska mi har opptil fleire rosa detaljar, difor fekk den også vere med ut i regnet.


Og når eg først var på rosakjøret, oppdaga eg endå fleire fine, rosa ting rundt meg 
då eg gjekk ut for å møte regnvêrsmåndagen: Rosa roser i hagen min, 
som haustvinden enno ikkje har klart å rappe...


...og minimonsteret sin rosa sykkel lasta med plaskvåte lauv.


Og HURRA fordi eg er så treig at eg enno ikkje har rydda det rosa hagebordet mitt 
ned i kjellaren; sjå så vakkert regnet og vinden har pynta det i dag!

Hmmm....det eg eigentleg vil seie med dette innlegget, er ikkje først og 
fremst at eg elskar rosa - men at enkle, små ting kan ha stor effekt. 
Som at ein glad prikkekjole kan utligne drittvêr. Og slikt.

-åse-

5 kommentarer:

  1. Så herlig å lese sånne positive innlegg på en gråværsdag ;)

    SvarSlett
    Svar
    1. Tusen takk, det gler meg å høyre :)

      Slett
    2. Så fint å se deg, Åse! Ha en nydelig tirsdagsmorgen!
      varm hilsen fra Ine

      Slett
  2. Koselig innlegg. -Inspirasjon til å ta en tur ut i hagen og se om der er noe farge hos meg også.

    SvarSlett
  3. Nydelige bilder !

    SvarSlett